BE.42 Logu no.216
HAMU SUDE NAUNG TINORUAN

Ayat 1
Hamu sude naung tinoruan Ni patik ni si Musa i
Sai ro hamu tu hasonangan Na dibagasan Jesus i
Ai nunga ditostosi Jesus do ihotihot i sibolis , mangagohon Tondimi.
Dapothon ma nuaeng Tuhanmu , naung ro mambaen haluaonmu ;
papos ma rohami disi

Ayat 2
Na ro ma Gurumi , tarehon pinggolna tu podaNa i
naeng patuduhononNa dalan di ho nuaeng tu surgo i.
Ai na buni anggo najolo , patar dodi sude na olo
Porsea di Tuhanta i . Ibana do na paboahon
Saluhut na hinalomohon ni Debata , AmaNa i.

Ayat 3
Na ro ma Rajami , sai jangkon Ibana tu roham , ale.
HasangaponNa ditadingkon Mambuat dangolmi tahe
Antong sai tiop ma tanganNa Paboa na nirajaanNa
Huhut niramotanna ho Mangmangkon ma burjum,paboa
Tundalhononmu do na roa Lao mangoloi RajaM naung ro

Ayat 4
Gok situtu hamoraonmu Di Jesus Kristus Tuhanmi.
Tangkas ma i naeng etongonnu Gotaphon sian rohami
Luhut na olo mago sogot Ai ingkon gabe parsidohot
Ho tu banuaginjang i Saonari do helehetanna
Na jumpang do hadenggananna Sai jangkon Jesus Tuhanmi
